Hjólað er um hringveg 1 með nokkrum undantekningum.

Hjólað er með boðsveitarformi réttsælis hringinn í kringum Ísland, 1358 km. Farið er um Þjóðveg 1 með fimm undantekningum: Keppnin hefst hjá Egilshöll þaðan liggur leiðin um Vesturlandsveg (1), inná Þingvallaveg (36), Kjósarskarðsveg (48) áður en komið er í Hvalfjörð. Athygli er vakin á 8,5 km löngum malarkafla á Kjósarskarðsvegi sem er ekki fær götuhjólum. Rétt áður en komið er að Mývatni er tekin vinstri beygja og hjólað yfir ána Laxá, farið norðan megin fyrir vatnið, um Þjóðveg 1. Nokkru seinna er tekin hægri beygja í átt að Reykjahlíð og því næst vinstri beygja áleiðis til Egilsstaða. Ekki skal því hjóla sunnan megin við vatnið um veg 848 fram hjá Dimmuborgum. Allir flokkar skulu fara um Öxi, veg 939, en ekki um Breiðdalsheiði, Þjóðveg 1. Því þurfa lið að hafa með sér fjallahjól eða cyclocross-hjól til að hjóla 29 km malarkaflann á þeirri leið.. Frá Selfossi er beygt til suðurs, veg 34 framhjá Eyrarbakka og inn á Suðurstrandarveg (veg 427) inná Krýsuvíkurveg (42) gegnum Krýsuvík og að marki sem verður á Hvaleyrarvatnsvegi, Athygli er einnig vakin á því að síðstu 20 km keppninnar er ómheilit að hleypa út eða taka hjólara uppí liðsbíla. Hluti leiðarinnar á vegi 48, 42 og vegi 939 er ekki malbikaður og verður hvert lið að ákveða hvort skipt sé yfir á cyclocross hjól eða hvort götuhjólið þoli mölina.

KORT

Smellið hér fyrir stærra kort. 

GPX

Hlaðið niður hér